Shkarkohet shefi i sigurisë ajrore. Kur u rrëzua helikopteri në Shkodër, po pilotonte për “Shega Air”

Shkak për lirimin nga Ushtria, është bërë shkelja e rëndë e detyrës, pasi ditën e rrëzimit të Helikopterit në liqenin e Shkodrës, nënkoloneli Lame po pilotonte helikopterin e kompanisë private “Shega AIR”. Sipas legjislacionit në fuqi, pilotëve të Forcave të Armatosura nuk i lejohet dy punësimi dhe për këtë fakt është urdhëruar shkarkimi I tij nga detyra. Burimet thonë, se shefi i zyrës së sigurisë ajrore në komandën e forcave ajrore Altin Lame, me datën 6 prill kur u rrëzua helikopteri, figuronte në punë me letra, ndërkohë ai ishte në udhëtim me helikopterin e kompanisë private.

Në motivin e shkarkimit, thuhet se ditën e aksidentit Altin Lame, duhet të ishte në repartin e helikopterëve në Farkë, pasi ishte hallka e fundit që miraton lejët e fluturimit, kontrollin e përgaditjen e pilotëve dhe teknikëve të helikopterit “EC 145”. Pas shkarkimit nga detyra, prokuroria e shkodrës I ka dërguar flet-thirrje pilotit Lame për të dhënë shpjegime për këto fakte. Bashkë me pilotin Lame, mësohet se prokuroria e shkodrës ka thirr edhe drejtorin e sigurisë ajrore dhe të licencave në Autorititin e Aviacionit Civilë z.Altin Vrapi.

Drejtoria e të cilit ka për detyrë verfikimin e pilotëve dhe miratimin e licencave për kompanitë private. Siç duket prokuroria e shkodrës, krahas hetimit për shakun e rrëzimit të helikopterit të ushtrisë, po heton edhe Autoritetin e Aviacionit Civil për ligjshmërinë e dhënies së liçencave kompanisë private të fluturimit. Si dhe arsyen, pse ka lejuar që pilotët e ushtrisë të pilotojnë heklikopterin e kompanisë “Shega AIR” pasi paraprakisht zyra e drejtorit të sigurisë ajrore dhe të licencave në Autorititetin e Aviacionit Civilë jep miratimin e këtyre fluturimeve.

Nga ana tjetër, për shkakun e rrëzimit ende nuk ka një përgjigjie nga kompania gjermane, që ka marr për ekzaminim kartmemoriet e kamerës së sigurisë që ndodhej në kabinen e dy pilotëve që kanë humbur jetën. Ndërsa ushtari Gerald Baramuça, edhe pse është pyetur për të disatën herë nga prokuroria, vazhdon të këmbëngul se nuk mba mend asgjë nga moment I rrëzimit të helikopterit.