Shoqata e Avokatëve mbështet reformën në drejtësi. Vishaj: S’kemi frikë

Gjatë Konferencës Kombëtare të Avokatëve Penalistë, avokati Saimir Visha shprehu mbështetjen e tyre për reformën në drejtësi dhe kërkoi kompromisin e politikës për miratimin e saj.

“Shoqata e Avokatisë ka dhënë mendime të vyera për reformën në drejtësi. Jemi dakord që sistemi ka nevojë të thellë për reformë. Ne jemi aktorët kryesorë të drejtësisë. Jemi një vend ku drejtësia dhe e drejta blihet me para. Ne nuk kemi frikë nga reforma, të gjejë kompromisin politik. Ne shpresojmë ta kemi reformën në drejtësi brenda pranverës. Ata që nuk duan ta votojnë reformën janë ata që i tremben asaj ”, shtoi ai.

Sipas tij, fakti që deri më tani nuk ka asnjë qeveritar të arrestuar për korrupsion, flet për presionin që ushtron politika mbi gjykatën.

“Politika ushtron presion mbi gjykatën dhe prokurorinë. Të flitet me emra të përveçëm, për prokurorë dhe gjyqtarë të përveçëm sepse ka edhe të ndërgjegjshëm, siç ka edhe nga ata që ndërtojnë vila e pallate”- tha Vishaj.