Shorti i Champions League, dy supersfida italo-spanjolle, City me fat

Napoli-Barcelona dhe Inter-Atletico Madrid janë dy supersfidat e fazës së 1/8-tave që dolën nga shorti i hedhur këtë të hënë në Nyon të Zvicrës.

Napoletanët gjejnë kështu një tjetër kundërshtar spanjoll këtë edicion, pas përballjes me Real Madrid në fazën e grupeve. Ndërsa zikaltrit “peshkuan” ndoshta kundërshtarin më të fortë të mundshëm në short.

Shorti u tregua bujar me kampionët në fuqi, Manchester City, që do të luajë kundër Copenhagen, edhe pse danezët në grupe arritën të eliminonin United.

Në sfidat e tjera, Paris SG do të ndeshet me Real Sociadad, Bayern Munchen do të ndeshet me Lazio-n, ndërsa Real Madrid me Leipzig. Arsenal do të ndeshet me Porton, ndërsa Borussia Dortmund to të përballet me PSV Eindhoven.

Ndeshjet

Porto – Arsenal

Napoli – Barcelona

Paris – Real Sociedad

Inter – Atlético de Madrid

PSV – Dortmund

Lazio – Bayern

Copenhagen – Man City

Leipzig – Real Madrid

Datat

Ndeshjet e vajtjes: 13/14/20/21 shkurt 2024

Ndeshjet e kthimit: 5/6/12/13 mars 2024