“Shpërndajeni Parlamentin, shkojmë në zgjedhje të parakohshme”, Neomalësorja reagon për mandatin

Ish-deputetja e Partisë Socialiste, Marjana Koçeku e njohur gjerësisht si Neomalësorja, ka reaguar sërish pas diskutimeve në rrjet lidhur me mandatin e saj pasi ajo vendosi të largohej nga grupi parlamentar i Partisë Socialiste dhe të dilte e pavarur.

Në një postim në faqen e saj në Facebook, Koçeku sfidon forcën politike ku aderonte deri para disa ditësh që të shkojnë në zgjedhje të parakohshme, duke shprehur bindjen se do të jetë në gjendje ta fitojë vetë mandatin, madje në Tiranë.

“Nuk ua kam marrë mandatin e deputetit. Ma keni marrë ju mue, për 10 muej rresht. Tash mandati ka ardhë në vend të vet. Nëse jeni kaq të sigurt që unë nuk fitoj pa ju dhe ju i keni plot 83 mandate, atëherë shpërndajeni parlamentin, shkojmë në zgjedhje të parakohshme dhe masim forcat se kush fiton çka. Kësaj radhe do marr me vete kecin tim të shtrenjtë, bashkë me kmesën e mprehtë, dhe do zbres me kandidue në Tiranë. Para se të vij, ndoshta iu marr leje malësorëve të mi me e folë gjuhën standarde”, shkruan ajo në Facebook.