FRANCË – Lecornu: Prani masive e policisë në protestën e 24 tetorit

PARIS, 20 tetor /ATSH-AFP/ – Vendosja e policisë për protestat e reja të planifikuara për të shtunën e ardhshme në Francë do të jetë masive, njoftoi sot kryeministri francez, Sébastien Lecornu para Asamblesë Kombëtare duke pranuar se vendosja më 17 tetor ishte shumë statike dhe jo mjaftueshëm e lëvizshme, një ditë e shënuar nga dhuna dhe plaçkitjet e shumta.

“Ministri i Brendshëm u ka dhënë tashmë udhëzime prefekturave. Vendosja për të shtunën e ardhshme do të jetë masive”, deklaroi kryeministri.

“Ne padyshim do ta rrisim vendosjen krahasuar me 17 tetorin, ku strategjia (…) do të rishikohet në aspektin e burimeve, në aspektin e shkallës sigurisht, në aspektin e forcave të vendosura dhe në aspektin e reagimit dhe lëvizshmërisë, në mënyrë që të përballemi dhe të ndikojmë në këto grupe që po shpërndajnë forcat e rendit në një mënyrë (…) jashtëzakonisht të planifikuar”, shtoi ministri i Brendshëm, Laurent Nunez./ a.jor.