Shuhet aktori britanik, ikonë e “Star Trek” dhe “X-Men”

Aktori i njohur britanik Sir Patrick Stewart i njohur për rolet në “Star Trek” dhe “X-Men” ka ndërruar jetë të mërkurën në shtëpinë e tij në Los Angeles pas një beteje me sëmundjen e Alzheimerit dhe demencën.

Ai ishte 86 vjeç. Një deklaratë nga përfaqësuesi i tij e konfirmoi lajmin.

Stewart, aktori i njohur i skenës dhe ekranit dhe autori i bestseller-ave të “New York Times”, karriera e të cilit zgjati gati 6 dekada, ishte fitues 3 herë i Çmimit Olivier dhe i nominuar për Çmimin Tony për punën e tij në skenë, si dhe mori disa nominime për Çmimet Emmy, Golden Globe dhe SAG për punën e tij në televizion dhe film.

Për 7 sezone ai u bë pjesë e dramës “Star Trek: The Next Generation” dhe disa filma të tjerë.

Stewart u vlerësua gjithashtu për portretizimin e tij të Charles Xavier, i njohur edhe si “Profesor X”, një rol që e filloi në filmin e vitit 2000 X-Men. Stewart gjithashtu e riinterpretoi rolin në “Avengers: Doomsday”, i cili do të dalë më 18 dhjetor 2026, duke shënuar herën e tij të 8-të që e portretizon personazhin. ©LAPSI.al