Shuhet zjarri në Shashicë, 4 punonjës refuzuan evakuimin për të monitoruar zonën

Zjarri që përfshiu mbrëmjen e së hënës malin e Shashicës në Vlorë është shuar plotësisht gjatë natës pas një operacioni të vështirë të forcave zjarrfikëse. Flakët morën përmasa të konsiderueshme, të favorizuara nga era dhe terreni i vështirë malor.

Mëngjesin e sotëm situata paraqitet e qetë, pa rrezik për përhapje të mëtejshme të flakëve në zonën përreth.

Katër punonjës të një guroreje, të cilët mbetën pranë zonës së prekur nga zjarri, nuk pranuan të largohen, pasi po monitorojnë territorin dhe aktivitetin e gurores.

Ekipet në terren vijojnë të mbajnë situatën nën vëzhgim, ndërsa forcat zjarrfikëse mbeten në gatishmëri në rast të çdo emergjence.