Situata e zjarreve nën kontroll në Mallakastër, Ministria e Mbrojtjes ndan pamjet (VIDEO)

Ministria e Mbrojtjes ka ndarë pamje nga ndërhyrja për menaxhimin e situatës së zjarreve në territorin e bashkisë Mallakastër, e cila është tashmë nën kontroll të plotë.

Ministria njofton se në fshatrat Riban, Ngraçan, Panahor dhe Çyçen është rikthyer normaliteti. 20 efektivë të Forcave të Armatosura janë angazhuar në terren për garantimin e sigurisë së zonës.

“Mirënjohje për punën e palodhur dhe heroike të Forcave të Armatosura, efektivëve të MZSH-së dhe forcave bashkiake që bënë të mundur përballimin e situatës”, njoftoi ndër të tjera ministria.