Skandal në futboll/ Tifozët tallen me vdekjen e Diogo Jota, Neves shpërthen: Po na shikon nga lart!

Një ngjarje e shëmtuar dhe e pa precedentë ka ndodhur gjatë ndeshjes midis Al-Taawoun dhe Al-Hilal në kampionatin e Arabisë Saudite.Gjatë kohës që loja ishte e ndërprerë, disa tifozë vendas filluan të provokonin mesfushorin Ruben Neves për humbjen e mikut të tij të ngushtë. Nga shkallët e stadiumit u dëgjuan kore provokuese me emrin e Diogo Jota, i cili u nda nga jeta një vit më parë në një aksident automobilistik.

I prekur thellësisht nga ngjarja, Neves reagoi duke duartrokitur me ironi drejt tribunave dhe duke u kujtuar tifozëve se miku i tij po i shikon nga lart. Pas ndeshjes, futbollisti portugez deklaroi se shpresonte që ata persona të mos shkonin për të falur apo lutur pas kësaj sjelljeje.
Edhe Cristiano Ronaldo reagoi me ashpërsi pas takimit, duke kërkuar nga liga që këta tifozë të përjashtohen përgjithmonë nga stadiumet.

“Liga duhet të ndërhyjë dhe të ndëshkojë këtë lloj sjelljeje nga tifozët. Ky nuk është më futboll dhe duhet të ketë kufij. Njerëzit që sillen në këtë mënyrë nuk duhet të lejohen më kurrë në stadium”, tha Ronaldo.