SPAK kërkon dënime deri në 15 vjet për 12 të pandehur në dosjen “Revanshi”

Prokuroria e Posaçme Kundër Korrupsionit dhe Krimit të Organizuar (SPAK) ka dorëzuar konkluzionet përfundimtare për një nga fraksionet e dosjes “Revanshi”, e cila po ndiqet me procedurë të shkurtuar. SPAK i ka ngritur 12 personave akuzën për “sigurim kushtesh për të kryer vrasje”, një vepër të rëndë brenda kornizës së krimit të organizuar.

Sipas TV Klan, në pretencën e SPAK janë kërkuar dënimet për secilin prej të pandehurve: 15 vite burg për Astrit Avdylin (me reduktim në 10 vite me procedurë të shkurtuar); 15 vite për Emiljano Shullazin (reduktim në 10 vite); 9 vite për Naim Stafukën (reduktim në 6 vite); 10 vite për Besian Xhixhën (reduktim në 6 vite e 8 muaj); 10 vite për Enver Divën (reduktim në 6 vite e 8 muaj); 10 vite për Robert Laçin (reduktim në 6 vite e 8 muaj); 10 vite e 6 muaj për Gjergj Cukalin (reduktim në 7 vite); 10 vite për Viktor Imerajn (reduktim në 6 vite e 8 muaj); 10 vite për Satilno Bashon (reduktim në 6 vite e 8 muaj); 9 vite për Xhelal Rrajën (reduktim në 6 vite); dhe 9 vite për Miri Brulin (reduktim në 6 vite).

Gjykimi po zhvillohet me procedurë të shkurtuar, çka nënkupton pakësim të dënimeve sipas kërkesave të prokurorisë në rast të pranimit të këtij procesi. Vendimi përfundimtar do të përcaktohet nga gjykata në seancën e ardhshme.

Raporti mbi këto kërkesa të SPAK u përcoll në media nga TV Klan.