SPAK kërkon dënime për 12 të pandehur në dosjen ‘Revanshi’

SPAK ka dhënë pretencën për një nga fraksionet e dosjes “Revanshi” pas zbardhjes së komunikimeve në SKY ECC, të cilat çuan në ngritjen e akuzave, përfshirë sigurimin e kushteve për kryerje vrasjesh dhe pjesëmarrjen në grup kriminal.

Sipas shqiptarja, prokuroria ka kërkuar dënime të rënda për disa nga të pandehurit, me reduktime në rast të pranimt të gjykimit të shkurtuar: për Astrit Avdylin dhe Emiljano Shullazin janë kërkuar nga 15 vjet, të cilat me gjykim të shkurtuar zbriten në 10 vjet; për Naim Stafukën prokuroria kërkon 9 vjet (6 vjet me gjykim të shkurtuar); dhe për Blerim Abazin kërkohen 10 vjet (6 vjet e 8 muaj me gjykim të shkurtuar).

Po ashtu, prokuroria ka kërkuar dënime për të tjerë të pandehur: Besian Xhixha 10 vjet (6 vjet e 8 muaj me gjykim të shkurtuar), Enver Diva 10 vjet (6 vjet e 8 muaj), Robert Laçi 10 vjet (6 vjet e 8 muaj), Gjergj Cukali 10.6 vjet (7 vjet me gjykim të shkurtuar), Viktor Imeraj 10 vjet (6 vjet e 8 muaj), Satilno Basho 10 vjet (6 vjet e 8 muaj), Miri Bruli 9 vjet (6 vjet me gjykim të shkurtuar) dhe Xhelal Rraja 9 vjet (6 vjet me gjykim të shkurtuar).

Lajmi vijon të përditësohet; raporton shqiptarja.