SPANJË – Vizita e mbretit Felipe VI në Ceuta një rrezik i madh diplomatik

Kjo vizitë, e cila do të zhvillohet një ditë pas Festës Kombëtare të Spanjës, më 12 tetor, do të pasohet të nesërmen nga një vizitë rreth 500 kilometra më në lindje, në Melilla.

Do të jetë vizita e tij e parë në këto dy qytete që nga ngjitja në fron në vitin 2014.

Ishte babai i tij, Juan Carlos, ai që kishte kryer vizitën e fundit të një sovrani spanjoll në Ceuta dhe Melilla, në nëntor të vitit 2007.

Ajo vizitë kishte shkaktuar atëherë një krizë diplomatike me Marokun, i cili pretendon sovranitetin mbi këto dy territore prej disa kilometrash katrorë.

”Kjo vizitë e paprecedentë e Felipe VI është rënë dakord mes qeverisë dhe shtëpisë mbretërore”, sqaroi kjo e fundit në një mesazh duke bërë të ditur se programi i saktë i vizitës do të njoftohet në ditët në vijim.

Më 30 dhe 31 korrik, më shumë se 70 000 migrantë hynë në Ceuta, duke notuar ose në këmbë nga Maroku, në një fluks masiv dhe të paprecedentë, gjatë të cilit më shumë se njëqind prej tyre humbën jetën, kryesisht në det, sipas autoriteteve në Madrid dhe Rabat.

Që atëherë, shumica dërrmuese e këtyre migrantëve janë kthyer në Marok.

Megjithatë, disa mijëra prej tyre kanë mbetur në Ceuta, ku situata që atëherë është përkeqësuar, duke shkaktuar akte dhune dhe protesta pothuajse të përditshme nga banorët./ /Ad.Ab./ a.jor.