Steve Clarke dorëhiqet pas eliminimit të Skocisë nga Botërori

Steve Clarke, 62 vjeç, dha dorëheqjen papritur si trajner i kombëtares së Skocisë nga kampi përgatitor në Charlotte, North Carolina, pas shtatë vjetësh në detyrë. Nën drejtimin e tij Skocia arriti të kualifikohej për tre turne të mëdha radhazi – dy herë në Kampionatin Europian dhe për herë të parë pas 28 vjetësh në Kupën e Botës për ekipin e meshkujve.

Raporton bbc se në një letër emocionuese drejtuar tifozërisë, Clarke rikujtoi se kur u afrua për herë të parë nga Federata Skoceze, shumica e këshilluan të shmangte detyrën, por ai pranoi sepse qëllimi i tij ishte i qartë: të kualifikohej për një turne të madh. Ai shprehu krenari dhe kënaqësi për arritjet, duke përmendur suksesin historik të kohës së Craig Brown dhe natyrisht natën e paharrueshme në Beograd pa shikues për shkak të Covidit, barazimin 0-0 ndaj Anglisë në Wembley dhe pjesëmarrjen në Europianin e Gjermanisë, ku tifozët e Tartan Army u rikthyen në numra të mëdhenj.

Eliminimi i Skocisë erdhi pas humbjes ndaj Brazilit, një mbyllje e hidhur për këtë edicion. Clarke theksonte se, megjithë zhgënjimin aktual, beson se nëse skuadra vazhdon të kualifikohet rregullisht për turnetë e mëdha, më në fund do të thyhet pengesa për të arritur fazat nokaut.

Vendimin e tij për t’u larguar nga pozicioni dhe letrën përmbajtësore ndaj Tartan Army e bëri publike ai vetë në kampin e skuadrës, dhe lajmin e dorëheqjes e konfirmoi bbc.