Stuhi në Elbasan, shiu dhe breshëri shkaktojnë vështirësi në qarkullim (VIDEO)

Një stuhi e fortë ka goditur pasditen e kësaj të premteje qarkun e Elbasanit, duke sjellë reshje intensive shiu, breshër dhe erëra të forta, të cilat kanë shkaktuar vështirësi në qarkullim.

Moti i përkeqësuar është shoqëruar edhe me erëra të forta, të cilat kanë krijuar situata problematike në zona të ndryshme të qarkut.

Deri në këto momente nuk raportohen persona të lënduar apo dëme të konsiderueshme materiale. Autoritetet u bëjnë apel qytetarëve të shmangin lëvizjet e panevojshme dhe të tregojnë kujdes gjatë qarkullimit, pasi kushtet atmosferike mbeten të paqëndrueshme.

Stuhia ka përfshirë jo vetëm qytetin e Elbasanit, por edhe bashki të tjera të qarkut, duke i dhënë fund përkohësisht temperaturave të larta që kanë dominuar ditët e fundit.