Sulm me thikë në Londër, plagosen dy persona

Dy persona u plagosën me thikë të mërkurën në veri të Londër, në një incident që ka ngritur shqetësime të mëdha për sigurinë e komunitetit hebre në zonë.

Dy persona u plagosën me thikë të mërkurën në veri të Londër, në një incident që ka ngritur shqetësime të mëdha për sigurinë e komunitetit hebre në zonë. Ngjarja ndodhi në Golders Green, ku jeton një numër i konsiderueshëm i këtij komuniteti.

Sipas organizatës së sigurisë komunitare, një burrë u arrestua pasi u pa duke vrapuar me thikë dhe duke tentuar të sulmonte anëtarë të publikut hebre. Dy të plagosurit morën ndihmë mjekësore nga shërbimi vullnetar i ambulancës hebraike.

Organizatat lokale dhe autoritetet konfirmuan arrestimin e të dyshuarit dhe bënë thirrje për bashkëpunim nga qytetarët që mund të kenë informacion mbi ngjarjen.

Kryeministri i Mbretërisë së Bashkuar, Keir Starmer, e cilësoi incidentin si “shqetësues”, duke theksuar se autoritetet do të luftojnë krime të tilla.

Ndërkohë, kryebashkiaku i Londrës, Sadiq Khan, dënoi sulmin dhe falënderoi shërbimet e emergjencës për reagimin e shpejtë. Ai theksoi se nuk duhet të ketë vend për antisemitizëm në shoqëri.

Ngjarja vjen pas një serie sulmesh me zjarrvënie që kanë shënjestruar sinagoga dhe objekte të komunitetit hebre në veri të Londrës gjatë javëve të fundit.