Sulmet mes Iranit dhe Izraelit, Papa Leo nga Spanja: Bota po kalon një krizë të thellë

Papa Leo XIV gjatë fjalës së tij në parlamentin spanjoll të hënën e ka përshkruar luftën si një “disfatë të dhimbshme”, ndërsa shtoi se dhuna dhe polarizimi e kanë zhytur botën në një krizë të thellë, Fjalimi i Leo XIV drejtuar politikanëve në Cortes Generales, i pari nga një papë, theksoi se paqja kërkon guxim diplomatik, përgjegjësi etike dhe që vendet t’i zgjidhin mosmarrëveshjet përmes së drejtës ndërkombëtare.

Komentet e tij vijnë ndërsa Izraeli dhe Irani po zhvillojnë sulme, në përshkallëzimin më të keq të luftës që nga armëpushimi i prillit.

“Çdo luftë përbën, në fund të fundit, një disfatë të dhimbshme të aftësisë për të negociuar dhe gjithashtu të asaj ndërgjegjeje të përbashkët të njerëzimit që njeh lidhjet e drejtësisë midis kombeve”, tha Papa.

“Bota po kalon një krizë të thellë shpirtërore dhe kulturore, e cila manifestohet në forma të shumëfishta dhune, polarizimi dhe mosbesimi të ndërsjellë. Në këtë kontekst, paqja paraqitet si një aspiratë politike dhe, akoma më shumë, si një imperativ i vërtetë moral.”