Tahiri reagon pas vendimit të Qeverisë: UÇK-ja të na bashkojë, pa kalkulime politike

Kryetari i Grupit Parlamentar të PDK-së, Arian Tahiri, ka thënë se çështjet që lidhen me Ushtrinë Çlirimtare të Kosovës (UÇK) duhet të trajtohen me përgjegjësi dhe pa kalkulime politike.

Përmes një postimi në Facebook, Tahiri ka theksuar nevojën për unitet dhe ka bërë thirrje që këto çështje të mos përdoren për interesa të ngushta apo përçarje.

“Siç e kam thënë përherë, UÇK-ja duhet të na bashkojë!

Prandaj, çdo çështje që lidhet me të, duhet të trajtohet me përgjegjësi, sinqeritet dhe korrektësi maksimale.

Pa kalkulime politike. Pa interesa të ngushta. Pa përçarje.

Në çështjet që prekin themelet e lirisë sonë, duhet të jemi bashkë”, ka shkruar Tahiri./Telegrafi/