Taksisti shqiptar, adhuruesi më i flakët i Trumpit në Ballkan

Por për Uljan Kolgjegjajn, shqiptarin 37 vjeçar, taksist në Tiranë, nuk ka asnjë dilemë: ai është krejtësisht i sigurt se Donald Trump do të jetë presidenti i radhës në SHBA, shkruan spiegelonline,de. Dhe, jo vetëm kaq: taksisti shqiptar duket të jetë adhuruesi më i madh në Ballkan i kandidatit kontrovers për Shtëpinë e Bardhë. Por kjo preferencë e tij ka arsye krejtësisht konkrete: Qëkur Kolgjegja ka ngjitur në makinën e tij portretin e Trumpit, atij i është ngritur në maksimum qarkullimi dhe fitimi si taksist. Kaq shumë para ai nuk ka fituar kurrë ndonjëherë më parë, thotë 37 vjeçari.

Ideja për të ngjitur portretin e kandidatit republikan, UIljanit i kishte lindur kur kryeministri Rama kishte deklaruar se Trump paraqiste rrezik serioz për marrëdhëniet shqiptare-amerikane, transmeton albinfo.ch. “E lus zotin që populli amerikan të mos e zgjedh Trumpin për president”, kishte thënë Rama, një deklaratë që kishte ndijuar për një ftohje të vogël mes dy vendeve. Por, Rama kishte qenë këmbëngulës. Sipas tij, Trump po e shfrytëzon në mënyrë të paturpshme faktin se disa njerëzve u mungojnë informacionet dhe arsimimi për religjionin.

Por taksisti Kolgjegja ka një mendim tjetër. Sipas tij Trump do t`i sjellë gjithë botës një shpresë të re dhe çdo gjë do ta kthejë nga e mira. Demokratët si presidenti në detyrë Barack Obama dhe kandidatja për presidente Hillary Clinton nuk krahasohen me të. “Shikojeni njëherë botën. Përplot luftëra. Obama dhe Clinton nuk kishin bërë asgjë për të ndryshuar këtë gjendje, përcjell albinfo.ch. “Trump do ta ndryshojë këtë”.

Kolgjegja ka thënë se, në rast se fiton Trump, kur ky pra si president i ri do ta marrë postin në dorë, ai do të shkojë para selisë së kryeministrit Rama dhe do t`i ndezë 200 raketa, fishekzjarrë.