Taremi në sulm: Tensioni i krijuar përreth Iranit minon mesazhin e FIFA-s!

“Jemi këtu për të luajtur futboll. Jemi këtu për të përfaqësuar popullin iranian: iranianët në vendin tonë dhe ata të diasporës. Nuk jemi njerëz të politikës, futbolli është i ndarë nga politika”, – ka thënë në konferencën e shtypit në Los Angeles trajneri i Iranit, Amir Ghalenoei.

Irani do të ndeshet me Zelandën e Re në sfondin e tensionit mes Teheranit dhe Washingtonit. Trajneri ka pohuar se skuadra respekton “çdo qytetar iranian”, fraza domethënëse, duke ditur që në Los Angeles jetojnë rreth 500 mijë persona me origjinë iraniane.

Spostimi nga Arizona në Tijuana, Meksikë, i vendosur pas përshkallëzimit ushtarak të muajve të fundit, ka pasur pasoja në përgatitjet e Iranit. “Ka pasur impakt, por duam të falënderojmë popullin meksikan. Jemi mësuar t’i shndërrojmë vështirësitë në mundësi”, – ka shtuar trajneri i Iranit.

Në krah të tij në konferencë shtypi ishte sulmuesi Mehdi Taremi, i cili pranoi se ka ndjerë shumë tension me mbërritjen në SHBA: “Tensioni nuk ka goditur vetëm Iranin dhe jo vetëm lojtarët, por edhe arbitrat. Shumë vende kanë pasur problem me vizat, – ka theksuar Taremi në konferencë. – Ky tension minon mesazhin e FIFA-s, që duhet të promovojë paqen dhe gëzimin”.