🌦️
Tiranë 17°C · Rrebesh i lehtë 18 Nëntor 2026
S&P 500 7,299 ▼0.56%
DOW 50,157 ▼1.19%
NASDAQ 24,271 ▼0.24%
NAFTA 82.51 ▼2.53%
ARI 3,741 ▼3.19%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $62,486 ▼ -1.86% ETH $1,742 ▼ -1.89% XRP $0.9649 ▲ +0.99% SOL $72.5200 ▲ +0.68%
S&P 500 7,299 ▼0.56 % DOW 50,157 ▼1.19 % NASDAQ 24,271 ▼0.24 % NAFTA 82.51 ▼2.53 % ARI 3,741 ▼3.19 % S&P 500 7,299 ▼0.56 % DOW 50,157 ▼1.19 % NASDAQ 24,271 ▼0.24 % NAFTA 82.51 ▼2.53 % ARI 3,741 ▼3.19 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Opinion

Të gjithë të dorëzuar për të mos dorëzuar pushtetin autokratik të Edi Ramës

Nga ISMAIL UKA

Vetëm një ditë pas mbledhjes së Asamblesë së Rilindjes, ku i shantazhuari i mafies, Edi Rama, në emër të pushtetit të tyre, shantazhoi hapur, duke iu mbyllur gojën dhe lidhur duart, si dhe i ofendoi në mënyrën më vulgare, duke i etiketuar se ‘ju pa mua jeni një …’, sot i vjen në ndihmë konferenca për shtyp e SPAK-ut për të mos u dorëzuar nga pushteti kryeministri.

Në konferencën e sotme për shtyp, përfaqësuesit e SPAK-ut, në deklarimin e tyre, u dhanë shqiptarëve lajmin e bujshëm se ‘SPAK-u përjashton mundësinë për një kërkesë tjetër për arrestimin e Belinda Ballukut, pasi Kuvendi na vendosi kufij’, pavarësisht se e pandehura i ka shkaktuar buxhetit të shtetit një dëm ekonomik mbi 5 miliardë lekë, i janë shtuar edhe tre akuza të rënda për korrupsion, pastrim parash dhe rrezikon të dënohet me 35 vite burgim.

Ky deklarim, që vjen nga Prokuroria e Posaçme vetëm një ditë pas Asamblesë së djeshme, për të shpëtuar Bela Mafien nga një kërkesë tjetër për arrest në burg, pasi një kërkesë e tillë do të trazonte parlamentin dhe do të shtrinte efektet te lufta e ftohtë brenda mazhorancës dhe do të rrëzonte pushtetin autokratik të Edi Ramës.

Prokuroria është organ i ndjekjes penale dhe i ngritjes së akuzës në përputhje me ligjin procedural penal, Kodin e Procedurës Penale, të miratuar nga vetë Kuvendi i RSH-së, dhe kufijtë ligjorë janë të përcaktuar në këtë kod.

Po çfarë përcakton neni 260 i K. Pr. Penale në rastin konkret: ‘…3. Kur nevojat e sigurimit rëndohen apo personi shkel detyrimet që lidhen me masën e sigurimit, gjykata, me kërkesë të prokurorit, mund të vendosë zëvendësimin e saj me një masë më të rëndë ose caktimin e një mase sigurimi shtrënguese ose ndaluese shtesë…’.

Pra, Kuvendi, sipas kësaj dispozite të miratuar, rezulton se në detyrën e prokurorit që ushtroni ju ka vendosur si kufij ligjorë detyrimin tuaj që për të pandehurën Bela t’i bënit kërkesë për dhënie autorizimi për arrestimin e saj dhe, në rast miratimi, t’i drejtoheshit me kërkesë Gjykatës së Posaçme për caktimin e masës së sigurimit arrest në burg.

Ky është ndryshimi midis kufirit ligjor dhe kufirit të mafies, Belës apo Bela Mafies, që fatkeqësisht u rreshtua sot edhe Prokuroria e Posaçme, me rolin e zëdhënësit të Belës dhe pushtetit të Edi Ramës, duke zhgënjyer jo vetëm partnerët ndërkombëtarë, por edhe pritshmëritë dhe besimin e atyre njerëzve që akoma besojnë tek puna e SPAK-ut.

Qëndrimi i sotëm i SPAK-ut nuk është aspak rastësi; përkundrazi, është një regji e Bela Mafies që vjen vetëm një ditë pas mesazhit që i dha Edi Ramës me lidhjen e duarve nga mbrapa, duke i thënë se po ika unë, ti shkon në burg.

Sot, fatkeqësisht, me qëndrimin e tij, SPAK-u konfirmoi këtë mesazh të mafies se të gjithë i kanë duart e lidhura para mafies.

Prandaj, vetëm protesta mbarëkombëtare e 28 Nëntorit mbetet shpresa e shqiptarëve për t’i dhënë fund pushtetit autokratik, absolut dhe arrogant të Edi Ramës.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.