Të moshuarit i gjenden 52 foto vajzash të mitura në kompjuter

Një i moshuar u ekstradua në drejtim të Italisë, pasi kishte bërë denoncim një vajzë italiane.

Shqiptari Ahmet Dedej, 68-vjeç, cilësohet si pedofil pasi ka kërcënuar prej dy vitesh në Facebook një 14 vjeçare, se do t’i publikonte foto nudo.

Në këmbim, shqiptari kërkonte që vajza të zhvishej në kamera. Ndryshe, kjo mënyrë quhet “seks online”.

Sipas medieve italiane, 68-vjeçari nuk kishte shkelur kurrë në Itali, por fliste mirë italisht dhe e kishte bindur vajzën italiane të bënte veprime të tilla në rrjetet sociale, prej dy vjetësh, që kur ajo ishte 12 vjeç.

Pas ekspertizës që iu bë kompjuterit të 68-vjeçarit, specialistët shqiptarë dhe italianë gjetën plot 52 fotografi me përmbajtje pornografike të vajzave të mitura.

Për pos kësaj, u zbuluan edhe fakte tronditëse ku plaku kishte në kompjuter edhe fotot e vajzës së tij dhe mbesës së mitur.

Madje, vajzën e kishte filmuar duke kryer marrëdhënie me bashkëshortin. 68-vjeçari nga Vora u ekstradua pak ditë më parë, pas denoncimit të bërë në polici nga nëna e vajzës italiane.

Pas denoncimit autoritetet italiane kërkuan ndihmën e Shqipërisë, duke mundësuar ekstradimin e 68-vjeçarit në shtetin fqinj.