Të paktën pesë migrantë të mbytur në Samos, përfshirë një fëmijë

Të paktën pesë persona, katër gra dhe një fëmijë, humbën jetën pas mbytjes, gjatë orëve të para të mëngjesit të sotëm, së një varke me migrantë në detin Egje, njoftoi sot Roja Bregdetare greke.

”Varka, e ardhur nga brigjset turke, po përpiqej të mbërrinte në ishullin grek të Samosit”, shtoi ajo.

”Në këtë varkë gjendeshin 10 persona. Pesë të tjerët janë shpëtuar”, tha Roja Bregdetare greke.