Telashe të tjera për Gianni Infantino, Norvegjia denoncon presidentin e FIFA-s!

Federata Norvegjeze e Futbollit, është organizmi i parë që bën një denoncim kundër presidentit të FIFA, Gianni Infantino.

Presidentja e qeverisë së futbollit të vendit skandinav, Lise Klaveness gjithnjë ka qenë një zë kritik për sistemin e qeverisjes së FIFA dhe gjatë verës kërkoi edhe dorëheqjen e Infantinos pasi është humbur besimi te udhëheqja e tij pas planit të tij për FIFA Forward Enterprise(FFE).

Tani Federata Norvegjeze e Futbollit bën një hap përpara dhe paraqet 2 denoncime kundër Infantinos dhe FIFA.

Në denoncimet e saj Norvegjia kërkon hetime në 3 fronte; dhënien e Çmimit të Paqes për Donald Trump, pezullimin e sanksionit të sulmuesit amerikan Folarin Balogun gjatë Botërorit 2026 dhe sigurisht për çështjen e FIFA Forward Enterprise dhe synimit për shitjen e një pjese të Botërorit te fondet e investimit. Po kështu, Norvegjia kërkon edhe hetimin e vetë Infantinos për këto arsye.

Denoncimet e Norvegjisë i drejtoheshin Komisioneve të Etikës dhe Ankesave të FIFA, që do të studiojnë nëse Infantino i ka anashkaluar filtrat ligjorë në këto 3 rrethana të denoncuara. Tre procedime për të parë nëse ka apo jo abuzim me pushtetin nga ana e presidentit të FIFA.

Ky procedim bëhet vetëm pak ditë përpara mbledhjes së Këshillit të FIFA që është programuar të zhvillohet në 15 tetor në Zyrih.