Tensione para Parlamenti, protestuesit përplasen me policinë (VIDEO)

Janë shënuar sërish tensione përpara Parlamentit, këtë herë mes protestuesve dhe forcave të rendit e sigurisë. Ndërsa seanca plenare vijon brenda sallës, jashtë situata ka kaluar në konfrontim fizik.

Sipas pamjeve nga vendngjarja, vihet re një përplasje e ashpër fizike mes disa protestuesve dhe efektivëve të policisë pranë rrethimit të jashtëm të institucionit. Qytetarët kanë tentuar të shtyjnë kordonin policor, gjë që ka sjellë reagimin e menjëhershëm të forcave të rendit për t’i zmbrapsur.

Në momentin e përplasjes, situata është shoqëruar me tensione të larta verbale. Mes shtyrjeve dhe kaosit, dëgjohen qartë zërat e protestuesve, të cilët u bëjnë thirrje efektivëve të policisë të ndalojnë ndërhyrjen.

“Mos na prek me dorë! Jo provokime! Mos i shto tensionet!”, dëgjohen të bërtasin qytetarët e revoltuar në drejtim të policisë.

Ndëkohë, protestuesit janë zhvendosur sërish para Parlamementit.