Tepiq: Pa listën Serbia Evropiane nuk ka ndërrim të Vuçiçit

Njëra nga bartset e listës Serbia Evropiane, Marinika Tepiq, deklaroi se nuk ka ndërrim të pushtetit pa atë listë dhe porositi se mënyra e vetme që të bjerë regjimi i Aleksandar Vuçiçit është që “Lista Studentore” dhe “Serbia Evropiane” së bashku të fitojnë më shumë mandate deputetësh sesa SNS-ja dhe SPS-ja së bashku, njoftoi Partia e Lirisë dhe Drejtësisë (SSP), siç raporton Danas.

Sipas deklaratës së SSP-së, Tepiq tha se është kristal-qartë se Vuçiçi bie vetëm nëse dy listat opozitare në total fitojnë më shumë deputetë se pushteti aktual.

“Nuk ka mënyrë tjetër. Prandaj është e rëndësishme që të gjithë ata që e duan Serbinë në Evropë, në zgjedhje të votojnë për ‘Serbinë Evropiane’ – që të jemi sa më të fortë në Kuvend, sepse ashtu do të jetë më e fortë edhe politika evropiane pa kompromis”, deklaroi Tepiq.

Sipas vlerësimit të saj, nuk mjafton vetëm ndërrimi i pushtetit: është e nevojshme të ndryshohet edhe sistemi, institucionet të çlirohen nga prangat partiake dhe të sigurohet që Serbia më në fund dhe me shpejtësi të nisë rrugën e integrimeve evropiane.

“Ndërrimi i pushtetit duhet të sjellë ndërrim të politikës, ndërsa e ardhmja evropiane e Serbisë duhet të jetë pjesë përbërëse e saj”, porositi Tepiq, duke përfunduar se Serbia Evropiane duhet të jetë një zë i fortë në parlamentin e ardhshëm.