Tahiri: Ne bëjmë shtet, opozita merret me çadra

Ministri i Brendshëm, Saimir Tahiri, ka bërë bilancin e dorëzimit vullnetar të armëve përgjatë muajit shkurt.

Sipas tij brenda këtij muaji janë dorëzuar 600 armë, 671 granata, mina predha, mbi 207.000 municion.

Ai falenderoi qytetarët për kontributin.

Tahiri nuk ka lënë pa sulmuar opozitën duke u shprehur: “Politika e Tiranës merret me çadra, bllokime e intriga. Qytetarët, bashkë me ne, po bëjne punë për të bërë shtet”.

Ministri theksoi më tej se siç “PS po bën shtet, do të bëjë edhe ekonominë, edhe punësimin, edhe të ardhmen”.