Tragjedi në kryeqytet! Burri qëllon për vdekje vëllanë dhe kunatën në mes të lokalit

Zona e “Mylsym Shyrit” në kryeqytet, rruga Islam Alla është tronditur këtë të martë pasdite, kur një burrë ka marrë armën e zjarrin dhe ka qëlluar drejt vëllait dhe kunatës. Ngjarja e rëndë ka ndodhur në ambientet e një lokali. Konflikti mbi pronën dyshohet të jetë shkaku që shtyu Arsen Muskurtin (që mban dhe emrin Hamza Kastrati) të vrasë vëllanë dhe kunatën.

Është identifikuar autori i vrasjes së dyfishtë në Tiranës. Bëhet fjalë për Arsen Muskurti që njihej edhe si Hamza Kastrati, ndërsa viktimë ka mbetur Dritan Muskurtu dhe bashkëshortja e tij Nora Muskurti. Ndërkohë mes tyre ka pasur konflikte të vazhdueshme, për pronën. Dy vëllezërit kanë qenë ortak në agjencinë turistike, por më pas ishin ndarë. Mes shumë konfliktesh, u tha se viktima kishte kërkuar mbrojtje në polici pas sherreve me vëllain. Ndërkohë, viktimat, Dritan dhe Nora Muskurti lanë pas 3 fëmijë, ndërsa policia është në kërkim të autorit të ngjarjes, Arsen Muskurti.

NJOFTIMI I POLICISE

Më datë 30.08.2022, në rrugën “Islam Alla”, dyshohet se si pasojë e një konflikti familjar, shtetasi A. M., dyshohet se ka qëlluar me armë zjarri drejt vëllait të tij shtetasit D. M., 44 vjeç, dhe një shtetaseje tjetër, ende të paidentifikuar, (dyshohet bashkëshortja e shtetasit D. M.) të cilët si pasojë kanë ndërruar jetë. Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit. Grupi hetimor nën drejtimim e Prokurorisë po punon për sqarimin e plotë të rrethanave të ngjarjes.