Trajneri i Portugalisë: Nuk është vetëm CR7 ai që bën liderin, Bruno Fernandes është i gjithanshëm për ne

Trajneri i kombëtares portugeze, Roberto Martinez, ka lëvduar shumë Bruno Fernandes, duke e quajtur kapitenin e Manchester United të pabesueshëm. Edhe pse Cristiano Ronaldo mbetet figura kryesore e ekipit portugez, forca dhe mosha e tij në rënie kanë hapur derën për të tjerët që të ngrihen.

Portugalia është një nga favoritët për të shkuar deri në fund dhe Fernandes do të jetë vendimtar për përpjekjet e tyre. Ai kaloi një sezon të shkëlqyer me United, duke realizuar nëntë gola dhe 21 asiste rekord, duke e bërë atë mbretin e padiskutueshëm të asisteve në Premier League.

“Në tre vitet që kam qenë këtu në ekipin kombëtar, nivelet e tij të qëndrueshmërisë kanë qenë të pabesueshme. Çdo gjë që ai bën në të tretën e fundit të sulmit tonë ka qenë e nivelit më të lartë”, tha trajneri i kombëtares portugeze, Roberto Martinez.

Më tej, ai shtoi: “Jam i kënaqur që ai merr më shumë vlerësime për atë që bën. Thyerja e atij rekordi për të realizuar 21 asiste gjatë një sezoni, duke lënë pas Kevin De Bruyne dhe Thierry Henry, po krijon një kujtim historik. Besoj se do të lërë gjurmë edhe nën kombëtare, kemi nevojë për të”.