Trashëgimia kulturore e Beratit dhe Gjirokastrës, në konferencën ndërkombëtare në Mostar

Trashëgimia kulturore, ndërhyrjet restauruese, projektet infrastrukturore dhe zhvillimi i ofertës kulturore ishin disa nga temat kryesore të diskutimeve në konferencën ndërkombëtare, që u zhvillua muajin e kaluar në Mostar. Nga vendi ynë, Drejtoria Rajonale e Trashëgimisë Kulturore Gjirokastër dhe Drejtoria Rajonale e Trashëgimisë Kulturore Berat morën pjesë në konferencën ndërkombëtare “UNESCO Creative and World Heritage Cities: Towards Integrated Strategies for Sustainable Cultural Tourism Management”, e zhvilluar më 27-28 prill 2026 në Mostar, Bosnje dhe Hercegovinë.

Trashëgimia kulturore, ndërhyrjet restauruese, projektet infrastrukturore dhe zhvillimi i ofertës kulturore ishin disa nga temat kryesore të diskutimeve në konferencën ndërkombëtare, që u zhvillua muajin e kaluar në Mostar. Nga vendi ynë, Drejtoria Rajonale e Trashëgimisë Kulturore Gjirokastër dhe Drejtoria Rajonale e Trashëgimisë Kulturore Berat morën pjesë në konferencën ndërkombëtare “UNESCO Creative and World Heritage Cities: Towards Integrated Strategies for Sustainable Cultural Tourism Management”, e zhvilluar më 27-28 prill 2026 në Mostar, Bosnje dhe Hercegovinë.

DRTK Gjirokastër shprehet se në kuadër të këtij eventi u prezantua tema “Historic Centres of Berat and Gjirokastra – Financing Preservation and Growth: Sustainable Models and Investment Strategies”, duke sjellë në vëmendje modelin e menaxhimit të integruar të trashëgimisë për të dy qytetet, pjesë e listës së trashëgimisë botërore të UNESCO-s.

“Prezantimi u fokusua në investimet strategjike, projektet infrastrukturore, ndërhyrjet restauruese dhe zhvillimin e ofertës kulturore, si dhe ndikimin e tyre në rritjen e turizmit dhe zhvillimin ekonomik lokal. Përmes këtij prezantimi u theksua rëndësia e një qasjeje të integruar që ndërthur ruajtjen e trashëgimisë me zhvillimin e qëndrueshëm, duke e pozicionuar Beratin dhe Gjirokastrën si modele të rëndësishme në nivel ndërkombëtar”, thuhet nga DRTK Gjirokastër. Gjirokastra u përfshi në listën e trashëgimisë botërore të UNESCO-s në vitin 2005. Ndërsa Berati u regjistrua në listën e trashëgimisë botërore të UNESCO-s më 8 korrik të vitit 2008.