Triumfi i Kombit: Lidhja Shqiptare e Prizrenit(1878), Pavarësia e Shqipërisë etnike(1912), Lufta e UÇK-së…

Nga Skënder Sadri KAPITI

Protestat në Tiranë kanë si kauzë Triumfin e Kombit, janë në vazhdën e realizimit dhe të zgjidhjes së çështjes kombëtare shqiptare për krijimin e Shtetit të Bashkuar Shqiptar për të cilin u krijua Lidhja Shqiptare e Prizrenit, janë Luftërat heroike, epopeja e betejave 35-vjeçare të shqiptarëve për pavarësi dhe për mbrojtjen e trojeve shqiptare nga copëtimi të cilat sollën pavarësinë e Shqipërisë etnike me 28 Nëntor 1912; është lufta heroike e UÇK-së që solli Lirinë dhe pavarësinë e Kosovës. Prandaj në protestat patriotike rinore gjithëkombëtare valëviten flamuri kombëtar shqiptar, ai i Kosovës, i UÇK-së dhe flamuri me hartën e Shqipërisë etnike.

Protestat e rinisë dhe elitës qytetare në Shqipëri janë protesta gjithëkombëtare shqiptare , janë edhe Politikë e Re të cilën unë e kam parashikuar në Librin tim “Triumfi i Kombit” para 15 vitesh. Në këto protesta unë shikoj se si objektiv madhor është zgjidhja e çështjes kombëtare shqiptare , Triumfi, Bashkimi i Kombit në një shtet të vetëm kombëtar. Në ato protesta kërkohet së pari dhe si nevojë e domosdoshmëri urgjente dorëheqja e kryeministrit Edi Rama dhe ndëshkimi i të gjithë politikës së vjetër në Shqipëri;  janë protesta antikomuniste dhe anti-establishmentit të politikës së vjetër të tranzicionit që ka montuar një regjim hajdutërie dhe korrupsioni të pa interesuar për interesin kombëtar, të një regjimi real anti-Republikan dhe antipatriotik.

Një regjim i tillë i kësaj klase politike nuk mund të gjenerojë gjë tjetër veçse trauma, varfëri, papunësi , papërgjegjshmëri para ligjit e kombit, kjo politikë ka gjeneruar stres e pasiguri, ka gjeneruar jo shpresë dhe mosbesim. Prandaj lëvizja patriotike e protestave rinore në Shqipëri kanë mbështetje të fuqishme gjithëkombëtare