Trump: Anulimi i udhëtimit të Witkoff dhe Kushner në Pakistan nuk sinjalizon rikthim në luftime

Presidenti amerikan, Donald Trump ka deklaruar se anulimi i planeve të dy këshilltarëve Steve Witkoff dhe Jared Kushner për të udhëtuar në Islamabad për

Presidenti amerikan, Donald Trump ka deklaruar se anulimi i planeve të dy këshilltarëve Steve Witkoff dhe Jared Kushner për të udhëtuar në Islamabad për një raund të ri bisedimesh për Iranin nuk do të thotë rifillim i luftës.

“Jo. Nuk do të thotë këtë. Ende nuk kemi menduar për këtë”, tha Trump në një telefonatë me gazetarin e Axios, Barak Ravid, kur u pyet nëse vendimi për të mos dërguar të Witkoff dhe Kushner, në Pakistan duhet të interpretohet si një hap drejt një raundi tjetër luftimesh.

Trump të shtunën njoftoi se negociatorët amerikanë nuk do të shkojnë më në Pakistan për bisedime me Iranin. Sipas tij nuk ia vlen që delegacioni amerikan të bëjë fluturimin 18-orësh për në Pakistan kur SHBA-të kanë të gjitha kartat në konfliktin me Iranin. Ai shtoi se iranianët mund të telefonojnë SHBA-në në çdo kohë që duan.