Trump bëhet presidenti i parë në detyrë i SHBA-së që shfaqet në një monedhë

Presidenti amerikan Donald Trump është shfaqur në monedhën e re 1-dollarëshe të SHBA-së, e cila është nxjerrë në qarkullim në kuadër të 250-vjetorit të pavarësisë amerikane.

Monedha, e prodhuar nga Zyra e Monedhave Amerikane, mban portretin e Trumpit në njërën anë, ndërsa në anën tjetër paraqet Vulën Presidenciale dhe numrin 250. Pavarësisht ngjyrës së artë, ajo nuk përmban ar dhe përbëhet kryesisht nga bakri.

Monedhat janë në dispozicion edhe për koleksionistët, ndërsa një rrotull me 25 copë kushton 61 dollarë dhe një qese me 100 monedha 154.50 dollarë.

Shfaqja e një presidenti në detyrë në një monedhë amerikane ka ngjallur debate, pasi ligji amerikan në përgjithësi ndalon portretet e personave të gjallë në monedha. Administrata është mbështetur në një ligj të vitit 2020 që lejon emetime të veçanta për 250-vjetorin e SHBA-së.