Trump paralajmëron Kim Jong-un: Mos na nënvlerëso! E pëson keq!
Në Japoni nuk e përmendi me emër, por referenca ishte e qartë; paralajmërimi i Donald Trump se “asnjë diktator nuk duhet të nënvlerësojë Shtetet e Bashkuara” shkonte direkt për Kim Jong-un.
“Ju jeni kërcënimi dhe frika më e madhe e tiranëve dhe diktatorëve që dhunojnë të pafajshmit”, vijoi Trump, duke shtuar megjithatë se “regjimet autoritare e kanë një rrugë drejt zhvillimit dhe paqes”.
Presidenti iu referua historisë për të përforcuar paralajmërimin e tij.
“Në të shkuarën na kanë nënvlerësuar dhe nuk përfundoi mirë për ta (diktatorët). Kurrë nuk do të përkulemi, kurrë nuk do të ngurrojmë për të mbrojtur njerëzit tanë dhe flamurin tonë”, deklaroi Trump.
Japonia është ndalesa e parë e turit të vizitave zyrtare në 5 vende të Azisë Lindore. Tokia pritet që t’u kërkojë garanci Shteteve të Bashkuara për zotimin për sigurinë e aleatëve të saj në rajonin e trazuar nga tensionet.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.