Turqia propozon ndërtimin e një tubacioni 1.2 miliardë dollarësh për vendet lindore të NATO-s

Turqia ka propozuar ndërtimin e një tubacioni karburanti ushtarak prej 1.2 miliard eurosh për të ndihmuar në përmbushjen e nevojave energjetike të aleatëve të NATO-s në Evropën Lindore, raportoi Bloomberg.

Pas shtytjes së aleancës për të zgjeruar rrjetin e saj të tubacioneve ushtarake, Ankaraja po propozon tubacionin e ri që të lidhë Turqinë me Rumaninë nëpërmjet Bullgarisë, thanë burimet, duke folur në kushte anonimiteti. Propozimi i Turqisë për NATO-n vjen ndërsa vendi përgatitet të presë samitin e aleancës në korrik.

Sipas të njëjtave burime, një tubacion karburanti nga Turqia në Rumani mund të kushtojë vetëm një të pestën e planeve të tjera alternative që janë propozuar tashmë, duke përfshirë edhe përmes Greqisë ose përmes fqinjëve perëndimorë të Rumanisë. Ata shtuan gjithashtu se rrugë të tilla do të ishin më të cenueshme, pasi varen nga transporti detar.

Pushtimi në shkallë të plotë i Ukrainës nga Rusia dhe konfliktet në Lindjen e Mesme, duke përfshirë ndërprerjet e fundit në furnizimin me energji për shkak të mbylljes së Ngushticës së Hormuzit, e kanë shtyrë NATO-n të forcojë modelin e saj të furnizimit me karburant, thanë burimet, duke nënvizuar rëndësinë e një zinxhiri furnizimi elastik me një kosto të arsyeshme për anëtarët lindorë të Aleancës.

Turkey has proposed building a $1.2 billion (€1 billion) fuel pipeline for military use to help meet the energy needs of allies on NATO’s eastern European flank, sources say https://t.co/yD7dJ6zGTH