Turqia rrit me 229 për qind fondet e prokurimeve të mbrojtjes për vitin 2027

Turqia do të rrisë me 229 për qind alokimin për armë, municione, sisteme armësh dhe pajisje të tjera të mbrojtjes për vitin 2027, njoftoi nënpresidenti Cevdet Yilmaz, siç njofton Al Jazeera.

Sipas Yilmaz-it, alokimet totale për mbrojtjen dhe sigurinë do të jenë 3.454 trilionë lira, rreth 69.64 miliardë dollarë, që përbëjnë 12.7 për qind të buxhetit total të vitit të ardhshëm. Shifrat u paraqitën të mërkurën në Komisionin e Planifikimit dhe Buxhetit të parlamentit turk.

Rritja e fortë e shpenzimeve ushtarake vjen ndërsa Ankaraja po thellon angazhimin e saj të mbrojtjes në rajon: Turqia nënshkroi sot në Doha memorandumin “Badr” me Katarin, Pakistanin dhe Indonezinë dhe po shqyrton dërgimin e trupave në Arabinë Saudite në kuadër të paktit të mbrojtjes me Riadin dhe Islamabadin, në një kohë kur lufta SHBA–Iran dhe sulmet e Huthi-ve kanë rritur tensionet rreth Gjirit Persik.