Udhëtimi i Trump në Kinë, Shtëpia e Bardhë fton Elon Musk dhe Tim Cook për të shoqëruar presidentin

Shtëpia e Bardhë raportohet se ka ftuar drejtuesin e Tesla-s, Elon Musk, dhe CEO-n e Apple, Tim Cook që të shoqërojnë presidentin amerikan, Donald Trump gjatë kësaj jave në udhëtimin e tij në Kinë. Kështu ka raportuar këtë të hënë Bloomberg News teksa ka cituar një zyrtar të Shtëpisë së Bardhë.

Sipas burimit, më shumë se 12 drejtues të lartë kompanish do të jenë pjesë e delegacionit që do të shoqërojë Trumpin në këtë vizitë.

Mes emrave të raportura janë edhe figura të njohura të botës së biznesit, si David Solomon i Goldman Sachs Group, Stephen Schëarzman i Blackstone, Larry Fink i BlackRock, Jane Fraser e Citigroup dhe Dina Poëell McCormick nga Meta Platforms.

Trump në këtë udhëtim drejt Kinës kërkon të arrijë një sërë marrëveshjesh biznesi me Pekinin. Ndërkohë, Kina ka njoftuar se Trump do të zhvillojë një vizitë zyrtare në vend nga 13 deri më 15 maj.