Vinçat kinezë shqetësojnë SHBA, Pentagoni: Përgjojnë portet amerikane

“Wall Street Journal” citon disa funksionarë të sigurisë kombëtare dhe Pentagonit, të cilët kanë ruajtur anonimatin, por që i kanë krahasuar vinçat me një kalë Troje për shkak të sensorëve të sofistikuar me të cilët ata janë të pajisur për të monitoruar kontejnerët.

Muajin e kaluar, zbulimi i një balone-spiune kineze në qiejt e Shteteve të Bashkuara acaroi më tej marrëdhëniet mes Uashingtonit dhe Pekinit. Ngjarja çoi gjithashtu në anulimin e vizitës së planifikuar të sekretarit të Shtetit, Antony Blinken në kryeqytetin kinez.

Balona spiune u rrëzua nga Forcat Ajrore Amerikane dhe ngriti shqetësimin në radhët e agjencive të sigurisë për intensifikimin dhe zhvillimin e programeve kineze të përgjimit.