Vizitorët e Kalasë së Gjirokastrës, rritje të vazhdueshme dhe interes në pasuritë e trashëgimisë kulturore

Kalaja e Gjirokastrës përfaqëson një nga monumentet më të rëndësishme të trashëgimisë kulturore në Shqipëri, duke ruajtur vlera të veçanta historike dhe arkitekturore, që dëshmojnë zhvillimin shekullor të qytetit dhe të zonës përreth. Drejtoria Rajonale e Trashëgimisë Kulturore Gjirokastër bën me dije se kalaja vijon të tërheqë një numër të lartë vizitorësh. “Ky monument vijon të tërheqë një numër të lartë vizitorësh vendas dhe të huaj, duke reflektuar interesin e vazhdueshëm për pasuritë tona kulturore dhe historike”, thuhet nga Drejtoria Rajonale e Trashëgimisë Kulturore Gjirokastër.

Kalaja e Gjirokastrës përfaqëson një nga monumentet më të rëndësishme të trashëgimisë kulturore në Shqipëri, duke ruajtur vlera të veçanta historike dhe arkitekturore, që dëshmojnë zhvillimin shekullor të qytetit dhe të zonës përreth. Drejtoria Rajonale e Trashëgimisë Kulturore Gjirokastër bën me dije se kalaja vijon të tërheqë një numër të lartë vizitorësh. “Ky monument vijon të tërheqë një numër të lartë vizitorësh vendas dhe të huaj, duke reflektuar interesin e vazhdueshëm për pasuritë tona kulturore dhe historike”, thuhet nga Drejtoria Rajonale e Trashëgimisë Kulturore Gjirokastër.

Kalaja e Gjirokastrës është një nga monumentet më të rëndësishme historike dhe kulturore të Shqipërisë, ku vitin e kaluar pas më shumë 30 vitesh rifilluan gërmimet arkeologjike, me synim të identifikonin fazat më të hershme të ndërtimit të saj. Gërmimet arkeologjike që nisën vjet në kalanë e Gjirokastrës janë në vijim dhe të projekteve të tjera që zhvillohen në vendin tonë me në fokus arkeologjinë, ku këtë herë ato vijuan nga Instituti Kombëtar i Trashëgimisë Kulturore në bashkëpunim me DRTK Gjirokastër.

Herë pas here DRTK Gjirokastër bën me dije dhe punimet mirëmbajtëse që bëhen në kala, si pastrimi i hapësirave të brendshme nga vegjetacioni apo dhe pastrimi i mureve rrethuese të disa prej hapësirave të brendshme. DRTK Gjirokastër është një institucion në varësi të Ministrisë së Turizmit, Kulturës dhe Sportit, që merret me mirëmbajtjen, ruajtjen, administrimin, konservimin dhe promovimin e trashëgimisë kulturore, materiale e jo materiale në Gjirokastër.