Vrau 6 persona në Gjermani, autori ishte arratisur nga një burg në Turqi. Po vuante dënimin për abuzim me vajzën e tij

Turku 45-vjeçar, i cili të hënën e kaluar qëlloi dhe vrau gjashtë punonjës të ndihmës sociale në një qendër paraburgimi për të mitur në Gjermani mësohet se ishte arratisur nga një burg në Turqi.

Ai ishte akuzuar për abuzim seksual ndaj vajzës së tij. Sipas gazetës BILD, përveç dyshimit për një krim të rëndë seksual në Kahramanmaras në vitin 2017, ai akuzohet gjithashtu për abuzim seksual me vajzën e tij në vitin 2022 në Gaziantep.

Midis dy sulmeve, 45-vjeçari u mor në paraburgim në një tjetër procedurë penale, por u arratis dhe që atëherë është në kërkim. Siç thekson BILD, deri më tani, autoritetet turke nuk e dinin vendndodhjen e tij.

Të hënën, ai pati një takim me një komision mirëqenieje në lidhje me kujdestarinë e vajzës së tij tetëmuajshe. Artikulli i BILD thotë gjithashtu se ai është martuar tre herë në Turqi dhe është gjithashtu i divorcuar nga nëna e foshnjës. Burri është lënë në paraburgim, ndërsa autoritetet gjermane po bashkëpunojnë me autoritetet turke.