Zbulohet emri i deputetit, nipi i të cilit goditi policin në mes të bulevardit

Janë zbuluar të tjera detaje nga goditja me grushte e policit rrugor ditën e djeshme në Tiranë nga i riu Emiliano Mrishaj banues në Shkodër.

Referuar burimeve Emiliano Mrishaj, 27 vjeç është djali i motrës së deputetit Tom Doshi. Mrishaj goditi me grushte një efektiv të Policisë rrugore në mes të bulevardit “Gjergj Fishta”, pasi ky e ndaloi.

Por mesa bëhet e ditur, Mrishaj rezulton që të jetë ndaluar edhe në Australi disa kohë më parë, përkatësisht në Melburn së bashku me një shok.

Ai u ndalua pasi në një çantë kishte 123 mijë dollarë të padeklaruara. Por gjykata dënoi shokun e tij, Ledio Leshajn me pesë muaj burg, ndërsa Mrishaj u dënua si bashkëpunëtor, pasi lëvizte me kartë Italiane false.