Zvërneci dhe hija e familjes Trump!

Në politikë, jo çdo “investim strategjik” ka premisa vetem ekonomike, ja psh. shihni “investimin strategjik” te Gaz Pajes (shaka). Ne te shumten e rasteve eshtë edhe bast politik. Ne kete kuader mund te shihet edhe dhënia e Zvërnecit, sipas burimeve te ndryshme, për një projekt të lidhur me Jared Kushner dhe Ivanka Trump. Ky veprim mund të kthehet në një bumerang serioz për Edi Ramën, i dyti dhe me i veshtire se ai me McGonical.

Ne fjalen e tij para grupit parlamentar, qe dridhej si purteke, KM u perpoq ta shese si zhvillim te rendesishem turistik. Por në Amerikë, emri Trump nuk është thjesht emër biznesi, është emër politik, me dyshime serioze dhe perceptim të fortë publik për konflikte interesi dhe korrupsion. Sondazhet e fundit tregojnë se një pjesë e madhe e amerikanëve besojnë se Trump po e përdor zyrën për përfitim personal dhe se korrupsioni në qeveri është i përhapur.

Prandaj, nëse nesër në Uashington vjen një administratë demokrate, afera e Zvërnecit nuk do të shihet më si “investim luksoz” në Shqipëri, por mund të lexohet si favor politik i një kryeministri ballkanik ndaj familjes së një presidenti amerikan. Aq më tepër kur banorët e zonës dhe aktivistët kanë ngritur shqetësime për pronësinë, mungesën e transparencës dhe ndikimin në një zonë të ndjeshme natyrore.

Ai mund të mendojë se po blen afërsi me Trump-in, por në fakt mund të jetë duke prodhuar dosjen më tproblematike ndërkombëtare për veten dhe familjen.

Dhe në një presidencë të ardhshme demokrate, Zvërneci mund të mos jetë “suksesi” i Ramës, por prova që ai e ktheu pasurinë publike të Shqipërisë në placke tregu për pazare politike. Historia na tregon se “falje” te tilla nuk kane perfundime te lumtura.