2026 Cape Town Marathon/ Kipchoge e mbyll i 16-ti, Esa e fiton duke vendosur kohë rekord për eventin

Pas më shumë se gjashtë muajsh nga gara e tij e fundit, Eliud Kipchoge u rikthye sot për të garuar maratonën e radhës. Legjenda e kësaj disipline nisi ‘Eluid’s World Tour’ pikërisht në Afrikën e tij ku garoi në “Cape Toën Marathon 2026”.

41-vjeçari tregoi se kishte ende nga klasi i viteve të arta duke përshkuar distancën 42.195 km me kohën e 16-të më të mirë, 02:13:29.

Pjesëmarrja e një ikone të këtij sporti në Johanesburg nuk është një rastësi pasi nga të gjitha palët po punohet shumë që të kjo maratonë të futet mes garave më të famshme, të cilat njihen si “Major”.

Sa i përket fituesit të këtij edicioni, i pari që kaloi finishin ishte Mohamed Esa. Atleti nga Etiopia mbylli garën me kohën 2:04:55 duke vendosur rekord të ri pasi përmirësoi me disa minuta kohën e vendosur nga bashkëkombësi i tij Abdisa Tola në 2024, i cili fitoi garën me kohën 2:08:16.

Ndalesa e radhës e Kipchoge-s është në Amerikën e Jugut, konkretisht Maratona e Porto Alegre në Brazil më 12 korrik.

Pas kësaj legjenda do të zhvendoset në Oqeani, ku do të jetë pjesë e Maratonës së Melburnit në Australi më 11 tetor.

Sa i përket eveneteve të tjera nuk ka ende data konkrete por për momentin është planifikuar një rend , i cili nis në Amerikën e Veriut më pas në Azi, Evropë dhe në fund mbyllet në Antarktidë.