5 viktima nga përmbytjet në SHBA, mes tyre edhe një nënë që u përpoq të shpëtonte djalin e saj

Një grua 39-vjeçare vdiq në Tenesi ndërsa përpiqej të shpëtonte djalin e saj nga ujërat e përmbytjeve të dielën në mëngjes.

Vdekja e Mary Evelyn Nicole Manning-Kellione ishte midis të paktën pesë viktimave të raportuara gjatë përmbytjeve të ditëve të fundit në një rajon që përfshin Tenesin dhe Kentukin.

Manning-Kellione thuhet se e kishte parë të birin të përfshihej në një kanal kur ajo shkoi për ta shpëtuar. Djali i saj doli në anën tjetër të ujit, por Manning-Kellione ngeci dhe u mbyt, tha zyra e sherifit të qarkut Grainger, Tennessee.

Vdekja e Manning-Kellione ndodhi pas shirave të rrëmbyeshëm që ranë në Kentucky dhe Tennessee, dhe u lëshuan paralajmërime për përmbytje të menjëhershme për atë zonë. Të paktën katër persona vdiqën në Kentucky.

Tre nga vdekjet në Kentucky ndodhën në qarkun Madison, ku mjeku ligjor tha se dy nga vdekjet – një burrë dhe një grua – ndodhën në një vendbanim në Richmond.

Viktima e tretë në Madison ishte një burrë që u përfshi nga uji në automjetin e tij. I katërti u raportua të ketë ndodhur në qarkun Jackson, Kentucky.