A i është hequr non-grata? DASH reagon për Berishën, por hesht për familjarët e tij

Zyra e Marrëdhënieve me Median e Departamentit Amerikan të Shtetit i është përgjigjur Gazetës TemA lidhur me pretendimet e bëra nga ish-kryeministri Sali Berisha se statusi i tij “non grata” në Shtetet e Bashkuara është hequr.

Në përgjigjen e dërguar thuhet:

“Departamenti i Shtetit ka lëshuar përjashtime (waivers) për disa nga të sanksionuarit në bazë të nenit 7031(c), sanksione të vendosura nga administrata e mëparshme, pasi këto përjashtime i shërbejnë një interesi të rëndësishëm kombëtar të Shteteve të Bashkuara.”

“Waiver” janë përjashtime të posaçme që i jepen një personi për të hyrë në një vend, edhe pse normalisht nuk do të lejohej. Për shembull, nëse dikush është shpallur “non grata” nga SHBA, në raste të rralla mund të marrë një waiver (përjashtim) për të hyrë për një arsye të caktuar, si një takim zyrtar, pjesëmarrje në OKB, trajtim mjekësor apo arsye të tjera të veçanta.