Abissnet Superiore: Elbasani me fitore të madhe në Durrës, me përmbysje. “Paqe” në debrin e kryeqytetit

Elbasani ka marrë një fitore të madhe në transfertë ndaj Teutës, në sfidën e luajtur në “Niko Dovana”, e vlefshme për javën e 32-të të Abissnet Superiore. Vendasit gjetën të parët golin dhe e mbyllën pjesën e parë na avantazh 1-0, falë golit të Ergis Arifit nga penalltia në minutën e 22-të.

Në fillim të pjesës së dytë, Elbasnai barazon fillimisht shifrat me Ibrahim Diallo, i cili tregohet i saktë nga pika e bardhë e penalltisë. Në minutën e 82-të, sulmuesi senegalez kishte shansin e artë të shënonte golin e dytë po nga penalltia, por këtë herë goditja e tij u ndal nga Gentian Selmani. Në minutën e fundit shtesë, Ze Gomes i lënë totalisht vetëm shënon golin e dytë dhe të fitores për Elbasanin, pas një krosimi nga këndi.

Pas kësaj fitoreje, Elbasani përforcon pozitat në vendin e dytë me 59 pikë, një më pak se Vllaznia kryesuese. Teuta mbetet në vendin e gjashtë. Me fitoren e sotme, Elbasani i bashkohet Vllaznisë dhe siguron zyrtarisht biletën për “Final Four”.

Në “Air Albania”, u përballën Dinamo dhe Tirana në derbin e fundit për këtë sezon mes tyre. Pjesa e parë u mbyll 0-0. Pjesa e dytë nisi me dy gola të shpejtë për të dy ekipet. Në minutën e 55-të, Patrik Myslovic kalon në avantazh Tiranën. Dinamo kundërpërgjigjet dhe barazon shifrat me Malomo Ayodeji në minutën e 59-të.

Në minutën e 88-të, Dejvi Bregu gabon nga penalltia duke e nxjerrë topin jashtë dhe duke humbur mundësinë e artë për të marrë tre pikët. Derbi mbyllet 1-1. Dinamo mban vendin e 4-të me 45 pikë, Tirana vendin e 7-të me 32 pikë.

The post Abissnet Superiore: Elbasani me fitore të madhe në Durrës, me përmbysje. “Paqe” në debrin e kryeqytetit appeared first on Telesport.