Abissnet Superiore :Përzgjidhet formacioni më i mirë i javës, Shehi në stol
Java e 31-të e kampionatit “Abissnet Superiore” u mbyll mbrëmë me ndeshjen e fundit AF Elbasani – Partizani. Trajnerët e ekipeve Kombëtare kanë përzgjedhur formacionin dhe trajnerin më të mirë të javës së 31-të, sipas skemës 1-3-4-1-2.
Në portë është gardiani i AF Elbasanit, Klevi Totoshi, i cili zhvilloi një paraqitje shumë të mirë dhe mbajti portën e paprekur në takimin ndaj Partizanit.
Treshja e mbrojtjes përbëhet nga Arsen Kasa (AF Elbasani), Dajan Shehi (Vora) dhe Aurel Marku (Bylis). Në mesfushë janë pozicionuar Xhonatan Lajthia (AF Elbasani), Patrik Myslovic (Tirana), Bangaly Diawara (Flamurtari) dhe Malomo Ayodeji (Dinamo City).

Pas tyre qëndron Sherif Kallaku (Vllaznia), ndërsa dyshja e sulmit përbëhet nga Kevin Dodaj (Vllaznia) dhe Redon Xhixha (Tirana), të cilët ishin vendimtarë në sukseset e skuadrave të tyre.
Trajneri më i mirë i javës së 31-të është përzgjedhur Orges Shehi, pas suksesit shumë të rëndësishëm të Tiranës në fitoren 3-1 ndaj Egnatias.
The post Abissnet Superiore në RTSH/ Përzgjidhet formacioni më i mirë i javës, Shehi në stol appeared first on RTSH.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.