AEROPORTET E MALIT TË ZI: MBI 2.2 MILIONË PASAGJERË NË TETË MUAJ, PRITET REKORD I RI

_{Foto: Aeroportet e Malit të Zi}

Aeroportet e Malit të Zi kanë shërbyer mbi 2.2 milionë pasagjerë nga 1 janari deri më 9 gusht, njoftuan nga kompania.

Sipas tyre, kjo paraqet një rritje prej 20 për qind krahasuar me vitin rekord 2025 dhe 42 për qind më shumë se në të njëjtën periudhë të vitit 2019.

Në Aeroportin e Podgoricës janë shërbyer mbi 1.34 milionë pasagjerë, që është 27 për qind më shumë se në vitin 2025 dhe madje 76 për qind më shumë krahasuar me të njëjtën periudhë të vitit 2019.

Ndërkohë, në Aeroportin e Tivatit janë shërbyer mbi 875 mijë pasagjerë, me një rritje prej 11 për qind krahasuar me vitin e kaluar dhe mbi 9 për qind më shumë se në të njëjtën periudhë të vitit 2019.

Nga Aeroportet e Malit të Zi vlerësojnë se, nëse realizohen të gjitha paralajmërimet dhe nuk ka çrregullime të reja në nivel global, deri në fund të vitit pritet të thyhet rekordi i vitit të kaluar, kur për herë të parë që nga themelimi kompania shërbeu mbi 3 milionë pasagjerë.