Aksident në Tiranë, makina përplaset me motorin! Humb jetën një person

Një aksident me pasojë vdekjen është regjistruar pasditen e kësaj të martë në zonën e Don Boskos në Tiranë. Mësohet se në aksident janë përfshirë një automjet dhe një motor.

Raportohet se mjeti është përplasur me motorin. Fatkeqësisht nga plagët e marra, drejtuesi i motorit ka humbur jetën. Policia ndodhet në vendin e ngjarjes dhe po punon për zbardhjen e plotë të rrethanave të aksidentit.

“Tiranë/Informacion paraprak. Më datë 22.09.2026, rreth orës 14:50, në Don Bosko, automjeti me drejtues shtetasin F. F., rreth 42 vjeç, është përplasur me motomjetin me drejtues shtetasin P. N., rreth 64 vjeç.

Si pasojë e përplasjes, drejtuesi i motomjetit ka humbur jetën. Ndërkohë, drejtuesi i automjetit është shoqëruar në Komisariat për veprime të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.