Aksion filmik i policisë në Novi Sad: Parandalohet vrasja, porositi vrasësin për 3.000 euro dhe u mbyll në makinë

Policia e Novi Sadit ka parandaluar një vrasje të planifikuar dhe ka arrestuar tre persona të dyshuar për organizimin e saj, në një aksion që mediat serbe e përshkruajnë si skenë filmi.

Sipas policisë, i dyshuari kryesor M.P. (34) dyshohet se rekrutoi N.E. (26) përmes një personi të tretë, M.V. (19), për të kryer vrasjen. Si shpërblim, atij iu premtua falja e një borxhi droge prej 3.000 eurosh, si dhe një pagesë shtesë, shkruan Telegraf.rs.

N.E., i njohur më parë për policinë, kishte marrë me qira një banesë “štek” ku përgatitej për krimin. Gjatë arrestimit, ai u mbyll në makinë dhe refuzoi të dilte, çka detyroi ndërhyrjen e njësive speciale të policisë.

Gjatë kontrollit, policia sekuestroi një armë pa leje, municion dhe një sasi marihuane. Të tre të dyshuarit u ndaluan deri në 48 orë.

Lajmin e konfirmon edhe Prokuroria e Lartë Publike në Novi Sad, e cila njoftoi se M.P. dyshohet për prodhim dhe trafik të paautorizuar të narkotikëve, trafikim qeniesh njerëzore, prodhim dhe sigurim armësh për kryerjen e veprës penale dhe pengim të personit zyrtar, ndërsa M.V. për prodhim, mbajtje dhe trafik të paautorizuar të armëve dhe eksplozivëve. Ndaj N.E., i cili u mor në pyetje, gjykatësi i procedurës paraprake caktoi masën e paraburgimit.

Hetimet vijojnë dhe priten detaje të reja.

Burimi: https://www.telegraf.rs/vesti/hronika/4402357-filmska-akcija-policije-u-novom-sadu-spreceno-ubistvo-unajmio-ubicu-za-3000-evra-pa-se-zakljucao-u-auto
(Konfirmim: https://nsuzivo.rs/hronika/osumnjicen-da-je-vrbovao-muskarca-i-obezbedio-mu-oruzje-za-likvidaciju-velika-akcija-hapsenja-u-novom-sadu-2/)

Burimi: Telegraf.rs