Aksion i madh policor në mbarë Maqedoninë e Veriut: kontrolle në mbi 40 lokacione, gjenden drogë, armë dhe para

Një aksion i madh policor po zhvillohet në mbarë Maqedoninë e Veriut, me kontrolle në më shumë se 40 lokacione, siç njofton 48chasa.mk. Policia kriminale po i zhvillon kontrollet e koordinuara për ditën e dytë radhazi.

Sipas raportimit të 48chasa.mk, aksionin e koordinon Departamenti i Policisë Kriminale pranë Ministrisë së Punëve të Brendshme, në bashkëpunim me të gjitha sektorët e punëve të brendshme dhe njësinë me qen shërbimi. Edhe Centar.mk njofton se në operacion janë përfshirë të gjitha sektorët e punëve të brendshme.

Sipas informacioneve jozyrtare që publikuan fillimisht mediat maqedonase, gjatë kontrolleve janë gjetur drogë, armë, para, hanxhare dhe sende të tjera për të cilat dyshohet se rrjedhin nga vepra penale. Këto të dhëna janë ende jozyrtare dhe nuk janë konfirmuar nga institucionet.

Siç njofton 48chasa.mk, kontrollet zhvillohen në kuadër të aktiviteteve të përforcuara për zbulimin dhe luftimin e kriminalitetit. Për momentin nuk ka të dhëna zyrtare për numrin e personave të shoqëruar, për lokacionet e sakta të kontrolleve dhe për sasitë e sendeve të gjetura.

Priten informacione shtesë nga Ministria e Punëve të Brendshme për rezultatet e aksionit, i cili vazhdon edhe sot.